-Almmuhus-
SMÁVVAOĐĐASAT SÁMISVuodjingielddus go menddo olu čáhci golggai biillas

Vuodjingielddus go menddo olu čáhci golggai biillas

-

-

Stáhta geaidnodoaimmahat lea dárkkistan johtolaga gehppes ja lossa vuojániid Nuorta-Finnmárkkus suoidnemánu 22. beaivvi. Sii dárkkistedje 32 lossa vuojána ja 12 gehppes vuojána.

Stáhta geaidnodoaimmahat olgoossodat davvi B hoavda Tor Steinar Wikan muitala Stáhta geaidnodoaimmahat lea dárkkistan johtolaga Ohcejogas, Báhcavuonas ja Bearalvákkis.

– Ledje olu norgalaš turisttat jođus sihke ássanbiillaiguin ja biillaiguin main ledje vel ássanvovnnat. Eatnašiin lei buot ortnegis, muhto sihkkelastit fertejit muitit skruvvet liige čuovggaid ja dovdomearkka vai oidnojit sihkkelasttidettiin, lohká Stáhta geaidnodoaimmahat Wikan preassadieđáhusas. 

Dát ožžo vuodjingildosa:

Golbma vuojánis golggai menddo olu suddančáhci galmmihuvvon guliin.

Guovttis eai lean gárran guorpmi doarvái bures.

Ovttas váillui láigošiehtadus guorbmebiilii.

Guovtti biillas lei registrerejuvvon gáibádus, 1 čorgii ášši das, 1 fertii máhcahit biiladovdomearkkaid.

Eará:

Guovttis oaččuiga dárkkistanlihppu, teknihkalaš váilivuođaid geažil.

Ovtta guorbmebiillas váillui bummemearka ja oaččui 8.000,- kruvnna sáhkku.

Ovtta guorbmebiillas ledje 2 hirbmat gollan biilagummerieggát ja oaččui 4.000,- kruvnna sáhkku.

Okta vuoddji gálvobiillas lei vajáldahttán geavahit biilaboahkána ja oaččui 1.500,- kruvnna sáhkku.

Ovtta biilavuoddjis ii lean mielde vuojánkoarta ja oaččui 500,- kruvnna sáhkku.

Stáhta geaidnodoaimmahat dárkkista johtolaga buoridandihtii johtolatoadjebasvuođa buohkaide. Buohkat galget beassat johtit dorvvolaččat Norgga geainnuid alde. Dárkkisteamit galget maid sihkkarastet suorggi gilvvohallan eavttuid ja ahte ámmátvuddjiid bargoeavttut čuvvojuvvojit. 

-Almmuhus-