-Almmuhus-
-Almmuhus-
OĐĐASAT Vuodjan­gilvvut eai lágiduvvo

Vuodjan­gilvvut eai lágiduvvo

-

-

Kárášjogas galge lágiduvvot vuodjangilvvut skábmamánu 7. ja 8. beivviid, dál lea mearriduvvon ahte eai lágiduvvo. 

Kárášjoga suohkana ovdagoddi mearridii duorastaga skábmamánu 5. beaivvi ahte plánejuvvon vuodjangilvvut eai galgga lágiduvvot. 

Koronadávdda leavvan lea sivvan dasa go eai lágit vuodjangilvvuid, ja mearrádus dahkkui njoammunsuodjaluslága vuođul. 

– Dieđusge lea hui váivi go vuodjangilvvut eai lágiduvvo, ja maiddái hui šállošahtti buot mánáid dáfus geat eai beasa searvat. Muhto go dilli lea nu movt lea, de mii ipmirdit bures manne dat mearrádus dahkkui, dadjá Kárášjoga vuodjansearvvi hárjeheaddji Doris Norbye. 

Norbye muitala maid ahte vuojadanálddis lea ain rabas buohkaide Kárášjogas.

-Almmuhus-