Politiijat leat dárkkistan guokte olbmo go leaba vuodján lobiheamet ja ovtta dain várohit leat vuodján biilla juhkanvuođas.
Finnmárkku politiijaguovlu dieđihit Twitter bokte leat dárkkistan ovtta olbmo gii lea vuodján vuodjinlobi hága.
– Almmái šattai bisánit ja šattai guođđit biilla báikái, gárttai vázzilit, čállá Finnmárkku politiijaguovlu.
Politiijat leat váidán albmá.
Golbma diimmu maŋŋel
Politiijat Ávanuoris vigge bissehit ovtta biilla, muhto biilavuoddji vujii dušše viidáset ja báhtarii veaháš maŋŋel viega.
Politiijat ožžo gitta albmá loahpa loahpas. Sii dolvo su dearvvašvuođaguovddážii váldit varraiskosa. Almmái lea váidon ja vuodjinlobi leat duoguštan. Politiijat várohit albmá vuoddján juhkanvuođas.
