Nu gohčoduvvon «LAIV» vuohki, dahje rollaspeallan stoagus, lágiduvvo Leavnnjas boahtte vahkkoloahpa.
Nu gohčoduvvon «LAIV» vuohki, dahje rollaspeallan stoagus, lágiduvvo Leavnnjas boahtte vahkkoloahpa.
Sihke rávisolbmot, geat háliidit oahppat lágidit «LAIV», ožžot leat mielde, ja mánát geat háliidit oahppat speallat «LAIV», čállá Hålogalándda Amatevrateáhterfitnodat (HATS) sosiála medias gos bovdejit olbmuid searvat deaivvadeapmái.
Máŋga deaivvadeami
Deaivvadeamis lea sihke teoriija ja konkrehta bargu movt ráhkadit effeavttaid LAIV:i ja deaivvadeamis besset speallat rollaspealu.
– Kurssas ohppet oasseváldit geahččalit iešguđetlágan LAIV-vugiid. Vuosttaš beaivvi lea áigi biddjon dološáigái, 1920-lohkui, ja nuppi beaivvi lea fáddán «science fiction», čilge HATS.
Bagadalli lea Anders Riple, ja gaskavahku, ođđajagemánu 10.beaivvi, lea áigemearri dieđihit fárrui LAIV:i mii lágiduvvo ođđajagemánu 13.- ja 14.beaivvi Leavnnjas. Giđđii lágiduvvo goalmmát deaivvadeapmi, man birra eai leat vel almmuhan dieđuid.
HATS
Hålogalándda Amatevrateáhterfitnodat (HATS) lea doaibman 1954 rájes ja lea Davvi-Norgga boarráseamos kultursearvi. HATS oažžu doarjaga Kulturdepartemeanttas, Finnmárkku, Romssa ja Nordlándda fylkkagielddain. Romssa suohkan lea doaimmahusa bargobáiki.
HATS bargu lea nannet ja veahkehit revy, teáhter ja eará lávdebargguid ovdánahttit.
