Muhtin duiskalaš mohtorsihkkelvuoddji beaškkehii ievttá eahkeda tuneallaseaidnái ja roasmmohuvai.
Muhtin duiskalaš mohtorsihkkelvuoddji beaškkehii ievttá eahkeda tuneallaseaidnái ja roasmmohuvai.
Oarje-Finnmárkku politiijat ožžo ikte dieđu 18.15 johtolatlihkuhisvuođa birra Davvinjárgga gielddas. Sihke politiijat ja buollinveahka ledje báikkis.
Doadján gieđa
Muhtin duiskalaš mohtorsihkkelvuoddji lei vuodján Davvinjárggatunealla seaidnái ja roasmmohuvvan.
– Vuoddji sáddejuvvui Hámmárfeastta buohccivissui, gos čájehuvvui ahte albmás lei doddjon giehta. Muhto muđui ii lean nu duođalaš ja albmás manná bures, muitala operašuvnnajođiheaddji Ove Myrkaskog ovdalaš gaskabeaivvi Ávvirii.
Eai dieđe siva
Operašuvnnajođiheaddji duođašta vuoddji leamaš Duiska stáhtaborgárin, gii lei jođus Nordkáhppii. Sii eai dieđe mii lea geavvan ja manin almmái lei bártidan.
