Politiijain lea leamašan johtolatdárkkisteapmi.
Viđátlot-jáhkkásaš dievdu váldui vuodjimin lobálaš biilavuodjinkoartta haga go politiijáin lei dábálaš johtolatdárkisteapmi Čáhcesullo suohkanis, dieđihit politiijat.
– Dál lea dievdu váidon, lohká Finnmárkku politiijaguovddáža operašuvdnajođiheaddji Ann Rigmor Søderholm.
Čáhcesullos
Mánnodaga dolle politiijat johtolatdárkkisteami Čáhcesullo suohkanis ja iske ollu biilavuddjiid, earret eará dievddu gii dál lea váidojuvvon vuodján lobálaš biilavuodjinkoartta haga.
– Mii iskkaimet oktiibuot 94 biilavuoddji, ja dievdu, gii dál lea váidon, váldui ovdalgaskabeaivvi, loahpaha Søderholm.
