-Almmuhus-
-Almmuhus-
-Almmuhus-

Vuittii

-

-

Lávvardaga vuittii kárášjoga gánda Joahchim Olsen «sport lite» luohká «Isoc nasjonal Amsoil snocross» skohtergilvvus.

Joachim Olsen lea badjelaš mánu leamašan Amerihkás gilvaleamen skohtergilvvuin ja galgá vel mánu leat doppe. Son máhccá ruoktot ovdalaš beasážiid, njukčamánu 18. – 20. beivviid lea maŋemuš háve vuodjá maŋemuš gilvvuid Amerihkás. Lávvardaga vujii son vuosttas sadjái ja vuittii. gilvvut lágiduvvojedje mannan vahkkoloahpa Michigan guovllus.

 

Lávvardaga su vuoitobeaivi

Olsen čálii iežas Facebook-siiddus lávvardaga ahte leamašan buorre beaivvi.

 – Válden vuosttaš vuorus stárta ja ledjen njunnošis gitta mollii. Nuppi vuorus válden fas stárta ja vuiten nu bessen finálii. Ledjen hui balus ja lei unohas čoavji ovdal finála, muhto maiddái das válden stárta ja ledjen njunnošis gitta lohpii. Bána lei erenomáš buorre, ollu muohta ja ollu njuikehagat. Lei mu vuoitobeaivi, čállá son.

 

Bearjadaga ii mannan nu bures

Son vujii bearjadaga maid, muhto dalle ii mannan nu bures finálas, šattai guđadin. Joachim Olsen lea «Team Woodie’s Racing» proffajoavkkus mielde.

 

-Almmuhus-