Nuppes juo njoarostii alcces ATV Taigafestivála suohpangiehta njoarostangilvvus.
Nuppes juo njoarostii alcces ATV Taigafestivála suohpangiehta njoarostangilvvus.
Skuohtanjárgga boazodoalli, Nils Máhtte Rognerud Eira, vuittii vuot Taigafestivála suohpangiehta njoarostangilvvu lávvordaga, nu go son diibmá maid dagai.
Vuoittu lei ATV. Dál sus leat guokte ođđa ATV maid njoarostangilvvuin lea vuoittán guolte jagi maŋŋalaga.
Unnit oasseváldit go diibmá
Njoarostangilvu lágiduvvo dan oktavuođas go Dávgeváris lágidit Taiga festivála dán vahkkoloahpa.
Dohko ledje čoagganan 30 suohpangieđa, muhto lei Rognerud Eira gii lei vuot buoremus, ja beassá vuot váldit mielde áibbas ođđa ATV, mas Norggas lea árvu sullii 115 000 ruvnno.
Muđui ledje sus guokte siidaguoimmi guđet válde goalmmát ja njeallját sajii
Lihkostuvvan buoremusat
Rognerud Eira lea maid dakko bokte dat njoarosteaddji guhte lea liige eanemus vuoittán njoarosteamis, goit vuoittuid árvvu dáfus.
Dasa lassin go Rognerud Eira lea vuoittán Dávgevári njoarostangilvvus guokte ATV, de lea son maid Norgga measttir njoarosteamis 2013:s.
Unnan oasseváldit
Suohpangiehta gilvu livččii galgat loahpahuvvot sotnabeaivvi, muhto de lihkká čađahedje lavvordaga juo finálaid maid.
Ávvira dieđuid mielde de dahkkui dat dan geažil go ledje beali unnit oasseváldit go diibmá.