Máilmmi cup heargegilvvuin beassášlávvordaga Guovdageainnus vuittii báhkkaluohká Suiva, heargi mii dušše diimmu ovdal gilvvuid mearriduvvui ahte searva.
Máilmmi cup heargegilvvuin beassášlávvordaga Guovdageainnus vuittii báhkkaluohká Suiva, heargi mii dušše diimmu ovdal gilvvuid mearriduvvui ahte searva.
Suivva eaiggáda Ana Marie Eira. Su áhčči Per Johan Eira illudii hirbmosit vuoittuin, go Suiva ii galgan rievtte mielde oba searvat ge dáidda gilvvuide.
– Diimmu ovdal gilvvuid leimme juo guođđán hearggi ruoktot Hemmogieddái, ja jerren iežan vuohpas iigo mana geahččat sáhttá go Suiva gilvalit, ja son de válddi mearrádusa ahte searvat gilvvuide. Letne dálvvi bártidan dainna herggiin. Álggos lei ovdajuolgeskierbmá , ja mánu skierpmui ja maŋŋel Kárášjoga lea Suiva bártidan háviin maŋŋejuolggis, muhto ii dat orron otne hehtteme hearggi ruohttamis, lohká Eira.
Vahkku áigi báhkkáluohkkái
Báhkkaluohkkái besset hearggit mat ruhttet vuollel 1 minuhtta ja 19 sekundda kilomehteris. Diibmá beassážiid vuittii Suiva rabasluohká, ja easka vahkku áigi beasai báhkkaluohkkái.
– Suiva ruohtai vuollel dien áiggi Suomas mannan vahkkus, ja dál vuittiime, nu ahte dat lea hui somá, lohká Eira.
(Ášši joatká gova vuolabealde)
Máilmmi cupas leat njeallje gilvvu, ja otná gilvvut ledje goalmmát gilvvut. Leat golbma luohká, juniora luohkká, rabasluohkká ja báhkkaluohkká.
Bohtosat
Báhkkaluohkká
1. Suiva, Ana Maria Eira, vuoddji Isak Anders Eira, áigi 1,19,75
2. E-čuoivvat, Eero Länsman,vuoddji John Inge Eira, áigi 1,19,75
3. Pikku Prinsi, Vanessa Niityvuopio, vuoddji Isak Anders Sara, áigi 1,20,01
Rabas luohkká
1. D Costa, Lemet Aslat Eira, vuoddji Nils Kai Ante Anti, 1,20,39
2. Badboy, Mikkel Andreas Eira, vuoddji John Inge Eira, áigi 1,20,42
3. Tiennäyäkä, Eelis Niittyvuopio,vuoddji Issat Ante Sara, áigi 1,20,77
Juniora luohkká
1. Čuoivvat, Marit Aile Sara, vuoddji Elle Marja Sara, áigi 1,21,35
2. Burn, Aslak Sokki, vuoddji Mina Ariane K. Sokki, áigi 1,21,61
3. Čáhput, Olavi Vuolab, Vuoddji Esaias M.K. Sokki, áigi 1,23,26
