-Almmuhus-
-Almmuhus-
KULTUVRAVuittii su nuppi Spelle­mann-bálkkašumi

Vuittii su nuppi Spelle­mann-bálkkašumi

-

-

– Lea issoras hávski beassat fas vásihit dán, dadjá vuoiti Marja Mortensson.

Bearjadaga lágiduvvui jahkásaš Spellemann. Marja Mortensson ja Kringkastingsorkesteret ožžo bálkkašumi árbevirolaš musihka kategoriijas ođđaseamos skearruin «Raajroe – The Reindeer Caravan». 2018:s vuite seamma kategoriijas bálkkašumi.

– Lea stuorra gudni nuppes fas oažžut dán bálkkašumi. Ii leat juoga maid goassege vuordá. Lea nu fiinnis oažžut bálkkašumi dan musihka ovddas man ráhkadan. Doppe han lea fágajury ja musihkkarat ieža geat mearridit gii vuoitá. Mus eai leat sánit čilgetge man erenoamáš lea, dadjá njuorasmuvvan artista.

Mortensson lea easkkabáliid šaddan eadnin, ja muitala ahte ii šaddan stuorra ávvudeapmi dán háve.

– Mii finadeimmet Spellemann-bálkkašumis bearjadaga, muhto dán áigge in sáhte mun gohccit nu guhká maŋŋel go máná riegádahtten. Ii šaddan nu stuorra feastaeahket, seamma go mannan háve go vuittiimet, bohkosa Mortensson.

Son muitala sus lea virgelohpi dál, muhto álgá fargga fas bargat.

-Almmuhus-