-Almmuhus-
-Almmuhus-
VALÁŠTALLAN Vuittii Saami Ski Race

Vuittii Saami Ski Race

-

-

Petter Eliassen lei ovddemus dievdu moalas maŋŋel 80 km Saami Ski Races ikte, ja Sini Alusniemi lei ovddemus nissonolbmuin.

Nu muitala NRK Sápmi.

Okta máilmmi buoremus čuigiin Petter Eliassen, Tverrelvdalen IL, vuittii dán jagi 80 km Saami Ski Race gilvvu áiggiin 3:12.37.

Eliassen lei jo ovddemusas go gilvaleaddjit rasttildedje ráji ja jorgaledje fas Heahtá guvlui. Son bisui ovddemussan gitta mollii.

 

Vuittii fas dán jagi

Diimmá vuoiti nissoniin Sini Alusniemi (govas bajabeal) vuittii fas dán jagi dan guhkimus láhtus mii lei 80 km. Son muitala buoret siivvu dán jagi go diibmá, ja son liiko gilvalit Saami Ski Races ja áinnas searvá fas boahtte jagi.

 

Viđa miillas jođánepmosat

Norgga ovttastusgilvaleaddjiguovttos Håvard Klemetsen (olgešbealde govas) ja Jørgen Graabak (gurut bealde govas) vuittiiga 50 km gilvvus ja bođiiga giehtalaga mollii áiggis 2:23.33. Gasku govas lea Odd Mikael Hætta gii lei vuolggasajis Saami Ski Races barggus.

Håvard muitala iFinnmarkii ahte lei gal heitot go moalla ii šaddan Guovdageainnus nu go galggai, muhto siivu ja dálki lei buorre.

–Hálideimme fárrolaga čuoigat nu ahte váldiime goappašagat 50 km láhttu. Guhkodat lea doarvái munnuide ovttastusgilvaleddjiide, boagusta Håvard Klemetsen gean mielas lei buorre lágideapmi Saami Ski Races.

- Advertisement -
-Almmuhus-