-Almmuhus-
VALÁŠTALLANVuittii Offroad Finnmárkku bivnnuheamos gilvvu

Vuittii Offroad Finnmárkku bivnnuheamos gilvvu

-

-

Eai goassege ovdal leamaš nu olu oasseváldit Offroad Finnmárkku 150 sihkkelgilvvuin go dán jagi, sávrrimussan šattai 24-jahkásaš mátta-norgalaš. 

24-jahkásaš Audun Øverbye Hanssen (Romeriksåsen SK/Birk Sport Racing) vuittii Offroad Finnmárkku 150 km guhkkosaš sihkkelgilvvu. 

– Biekkastii dan mađe ahte šattai hástalussan čađahit maŋimuš oasi gilvvus, muhto láhttui gal liikojin bures vaikke olmmoš váibbai duolbmamis. Mun čohkkejin dan mađe searaid doarvái borramušain ja juhkamušain vai nagodin čađahit gilvvu, dajai vuoiti dakka maŋŋel go ollii mollii. 

 

Stuorámus lassáneapmi 

Offroad Finnmark 150 lea sihkkelgilvvuid oaneheamos, muhto maiddái bivnnuheamos gaska. 

 – Lei hirbmat gelddolaš gilvu ja eai goassege ovdal leamaš ná olu oasseváldit. Dán gaskas lea stuorámus lassáneapmi, diimmá ektui leat gilvaleaddjit lassánan birrasii 150 oasseváldis 190 oasseváldái. Oallugat sihkkelastet meahccegilvvuid vuohččan ja lea somá oaidnit ahte oallugat dáin ollejit mollii, dadjá Offroad Finnmárku beaivválaš jođiheaddji Anders Abrahamsen Ávvirii. 

 

 

-Almmuhus-