Kevin Henrik Buljo (7) gottii ovddit váhkus sturimus guoli Ávvira «Guollelihkku» gilvvus. Ikte son vieččai vuoittu.
Kevin Henrik Buljo (7) gottii ovddit váhkus sturimus guoli Ávvira «Guollelihkku» gilvvus. Ikte son vieččai vuoittu.
Son lea čieža jahkásaš, ja dieđihii iežas Ávvira «Guollelihkku» gilvui dápmohiin mii dettii 400 grámma, ja vuittii oaggunstávrrá. Dápmoha son gottii Fanasjariinis, Čábardašjogas, Guovdageainnus, Toby vuokkain.
Vuosttaš guolli stávrráin
– Dat lei oalle lossat geassit bajás, muitala son Ávvirii.
Viimmáskan
Kevin Henrik áigu ge ođđa stávrráin fiškalit vel eambbo guliid.
– Áiggun mearragáttis bivdit, ja soaittán goddit vel stuorit guoli, muitala son, ja doalada nannosit vuoittostávrras.
Goddán stuorit guoli
Kevin Henrik lohka iežas ovdal goddán vel stuorit guoli.
– Godden rávddu jieŋa alde dálvet, muitala son olbmáid.
Dan son lohka deaddán bealle kilo, ja su Áhčči čájeha vel das gova, maid leaba govven dalle. Stuora fiinna ja rukses rávdu.
Vuoittit 1000 ruvnno
Ávviris leat guokte guollegilvvu jođus dán geasi. Vuosttaš lea mánáid «Guollelihkku» gilvu, masa sáhttet mánát gaskal 2 ja 12-jagi searvat. Mearri lea ahte galgá ieš goddán dan vuokkain.
Buohkat geat leat sádden sisa guollegova, leat mielde juohke váhku vuorbádeamis oaggunstávrrá. Son guhte geasis goddá losimus guoli, son vuoitá 1000 ruvnno.
3000 ruvnno luosas
Nubbi oaggungilvu ja gohčoduvvon «Luossagonagas» dahje «Luossadronnet». Das lea sáhttá stuorimus luosain fiškalit vel 3000 ruvnno Ávvira guollegilvvus. Mearri lea ahte galgá vuokkain goddán dan luosa.
Gilvu álggii geassemánu 23. beaivvi ja bistá gitta suoidnemánu 31. beaivái.
Mana deike ja dieđit iežat gilvui mielde
