Gáivuotnalaš faskii stuora vuoittu Lottos, ja dadjá iežas vuolgit luomostallat.
Gáivuotnalaš faskii stuora vuoittu Lottos, ja dadjá iežas vuolgit luomostallat.
Dán jagi maŋimuš lávvardaga vuittiiga guokte dievddu badjel 7 miljovnna ruvnnu goabbáige.
Nubbi dievdu orru Gáivuona suohkanis, Romssa fylkkas.
– Mun čuvvon Lotto-vuorbádeami. Olu giitu vuoittu ovddas. Dá lea stuora illu munnje, dadjá son Norsk Tippingii.
36 vuoittu
Lotto-vuoiti oažžu oktiibuot 7.861.810 ruvnnu.
Earret váldovuoittu, de faskii maiddái 14 goalmmátsaji vuoittu ja 21 njealjátsaji vuoittu.
– Mun lean seamma lotto-ráiddu speallan guhkit áigge. Dál beasan vuolgit buorebuš lupmui, ja gal de oaidná maŋŋel masa reasta ruđaid geavahan, dadjá gáivuotnalaš guhte ii háliit namas almmuhit.
298 lottomiljoneara
Oktiibuot vuite 298 olbmo miljovnnaid Norsk Tipping lotto-spealus 2018:s.
Nubbi dievdu gii maiddái vuittii ikte lea eret Arendalas, son vuittii 7.799.440 ruvnnu.