Finn Hågen Krogh (24) šattai duhtat nubbinsajiin otnáš finálas, muhto oppalaččat vuittii son sprintcupa.
Njealjje norgalačča ja ruošša Nikita Kriukov ja Sergeji Ustuigov ledje sprintafinálas Drammenis odne. Eirik Bransdal lei falimus mollii ja vuittii dan gilvvu. Vaikko sámi bárdni ja fállejohkalaš Finn Hågen Krogh bođii dás nubbin, de oažžu liikká illudit go vuittii oppalaččat olles sprintcupa.
Son dadjá NRK:ii ahte dá lea duođaštus ahte son lea nanu čuoigi.
– Lea hirpmat somá váldit ruoktot vuoittu. Maŋŋel máilmmimeašttirgilvvuid lea dá leamaš áidna fokus ja lean ollu jurddašan juste dán birra. Lei hirbmat buorre dás vuoitit nuppi saji, ja dál lean hui, hui ilus. Dát čájeha ahte lean bures čuoigan olles dálvvi ja lea čielga duođaštussan ahte lean buorre čuoigi, dajai son NRK:ii.
