-Almmuhus-
-Almmuhus-
-Almmuhus-
OĐĐASATVuittii iPad mini go lohká Ávvira

Vuittii iPad mini go lohká Ávvira

-

-

Ávviris lei gilvu skábmamánus/juovlamánus lohkkiid gaskkas geat diŋgojit Ávvira. Mii leat vuorbádan vuoiti, ja lihkolaš vuoiti lea Biret Elle Skum.

– Oba somá go iPad lean vuoitán, mus ii leat ge ovdalaččas dakkár. Mu lunttažis gal lea iPad, muhto dat lea oalle njoahci, lohká Biret Elle Skum, go Ávvir riŋge sutnje.

 

Lohká Ávvira go lea áigi

Skum lohká iežas lávet Ávvira lohkat go orru veadjime, ja go lea buorre áigi logadit aviissa. Son lea studeanta, ii ge leat álot áigi aviissaid lohkat. Su mielas lea leamašan hui gelddolaš dat beannot jahki go lea diŋgon Ávvira, son lea beassan lohkat veaháš eará go dan maid neahtas lea beassan lohkat.

Son lei ge meinen oastit ođđa Ipad alcces, muhto ii loga dal dárbbašit go lei nu lihkku ahte vuittii áibbas ođđa iPada. Lohká hirbmat buorren skeaŋkan, ja heivii hui bures juste dál vuoitit, go son geargá ge njealji jagi oahpuin boahtte vahku.

 

Vuovdinkampánja

Go mii vuorbádeimmet vuoiti, de vuorbádeimmet daid gaskkas geat leat diŋgon Ávvira skábmamánu/juovlamánu áigodagas, ja nu vuittii ge Biret Elle Skum.

Ávviris lea vuovdinkampánja moddii jagis, ja de sáhttá ge oažžut hálbbibui aviissaid jus šaddá diŋgojeaddjin. Dat geat dan áigodagas diŋgojit leat mielde vuorbádeames iPada.

-Almmuhus-