-Almmuhus-
VALÁŠTALLANVuittii goalmmát háve Saami Ski Race

Vuittii goalmmát háve Saami Ski Race

View all posts Journalista

-

-

Petter Eliassen vuittii vuot Saami Ski Race čuoigamiid guhkimus gaskka, ovcci miilla. Son čuoiggai 3 diimmus ja 47 minuhtas.

Guhkimus gaskka dievdoklássa vuoiti, Petter Eliassen vuittii dál gilvvu goalmmát háve. Son vuittii diibmá maid, ja lea 2011:s maid vuoitán.

Eliassen ádjánii 3 diimmu ja 47 minuhta. Guhtta minuhta maŋŋil bođii Daniel Strand molii, ja beasai nubbin dievdoklássas. Son ádjánii 3 diimmu ja 53 minuhta. Goalmmádin bođii Juuso Tossavainen, ja son ádjánii 4 diimmu ja 4 minuhta.

Nissonklássa 90 km gilvvu vuittii Emilie Kristoffersen, ja son čuoiggai 4 diimmus ja 18 minuhtas. Nubbin bođii Berthe Annette Svenkerud, son čuoiggai 4 diimmus ja 20 minuhtas. Goalmmádin nissonluohkás bođii Tiina Idström, ja son ádjánii 4 diimmu ja 42 minuhta.

 

Håvard Klemetsen goalmmádin

60 kilomehter luohkás lei vuolgga Sihčajávrri luoddaearus, ja sii čuige Heahttái. Dievdoklássa falimusaid gaskkas eai lean go moadde sekundda mat earuhedje. Vuoiti Vebjørn Pedersen ollii molii 2:28:07 áiggiin. Ii ollásit sekundda maŋŋil ge, ollii Aslak Ole Eira molii, ja su áigi šattai 2:28:08. Eira lea dál áigeguovdil go oassálastá «Norges tøffeste» reality ráiddus. Goalmmádin bođii Håvard Klemetsen, 2:28:46 áiggiin.

Nissoniid luohká vuittii Merja Karhumaa, áiggiin 2:52:46. Nubbin bođii Synnøve Mortensen áiggiin 3:04:32. Goalmmádin bođii Emma Pedersen ja son ádjánii 3:25:51.

 

Golmma miilla čuoigamat

Oaneheamos gaskka luohkás, namalassii 30 kilomehter, lei vuolgga Näkkäläs, ja moalla lei Heahtás nu go buot eará luohkáin.

Dievdoluohká vuittii Gard Frost, son čuoiggai 3 miilla 1:21:05 áiggiin. Nubbin dievdoluohkás bođii Vesa-Pekka Jurvelin, ja su áigi lei 1:21:25. Goalmmádin bođii John Anders Mella ja su áigi lei 1:27:55.

Nissonluohká vuoiti šattai Marit Klevstad Jakobsen, ja son ollii molii 1:36:52 áiggiin. Nubbin bođii Maaret Välitalo 1:42:07 áiggiin. Goalmmádin bođii Karin Holm Olaussen ja son ádjánii 1:42:43.

-Almmuhus-