-Almmuhus-
-Almmuhus-
-Almmuhus-
GUOIMMUHEAPMIVuittii flaxloaddapáhka dáinna govain

Vuittii flaxloaddapáhka dáinna govain

-

-

@runninglantto, dahje Marie Louise Lantto, vuittii min miessemánu 17. beaivvi gilvvu.

Miessemánu 17. beaivi lei Norgga našunálabeaivi, mii ávvuduvvo stuorrát miehtá riikka. Dan oktavuođas leimmet hástalan iežamet lohkkiid juohkit minguin govaid main čájehit mo ávvudit beaivvi.

 

– Ráhkistan flaxloattaid

@runninglantto Instagramas, dahje Marie Louise Lantto, nu mo su albma namma lea, dat faskii vuoittu dán vuoru. Vuoiti leat vuorbádan. Son lei sádden maiddái nuppi gova, man oaidnibehtet vuollelis, goappašat govaid lea govven Álttá ávvudeamis.

– Vuoi, man somá go lean vuoitán, mun gal vuoiga in diehtán dat lea gilvu. Mun ráhkistan flaxloattaid, illuda Marie Louise go gullá ahte lea vuoitán.


VUOITI: Marie Louise Lantto, geas lea namma @runninglantto Instagramas, vuittii govvagilvvu. Priváhtagovva

Son muitala govat maid lea govven leat dakkár čalbmerávkalangovažat.

– Daid duohken ii leat nu muitalus gal, muhto čájeha mu nieiddaža guhte lea hui gába ođđa gávttiin. Sutnje gal lea našunálabeaivi ávvubeaivi goas beassá čiŋadit ja nu ain. Bárehužžii gal lei dušše dábálaš beaivi, go son ii vuos ipmir dan, muitala Marie Louise.

 


GUVTTIIN GOVAIN: Marie Louise Lantto oassálasttii guvttiin govain, dá lea dat nubbi. Das oidno su nuoramus mánná, guhte lei gárvodan olgostoahkamii, gákti lei badjelis, muhto ii oidno eará go holbi guovlladeamen jáhka vuolde.
Govven: Marie Louise Lantto

Liiko gilvalit

Marie Louise láve áŋgirit searvat min lohkkiidgovvagilvvuide.

– Lea hui somá searvat Ávvira gilvvuide, mun liikon gilvalit. Lea somá go lágidehpet gilvvuid, áviisa šaddá dego eambbo ealasin, lohká son.

 

Mii giitit buohkaid geat oassálaste, ja sávvat olu lihku vuoitái!

-Almmuhus-