Riikkaidgaskasaš Boazodoalloguovddáža ođđa girji vuittii «nuvttá almmuheapmi» luohkás.
«Reindeer husbandry. Adaptation to the Changing Arctic» lea dat girji mainna vuite biebmosuorggi bálkkašumi. Boazodoalloguovddáš diediđa dan birra iežas ruovttosiiddu bokte dán vahku.
Girjji oanehis čilgehusas čállo ahte dat lea dálkkádatrievdama, eamiálbmogiid boazodoalu, ja dan birra mo boazodolliid árbevirolaš máhtu láktit ođđaseamos dutkamušaid bohtosiidda.
Árktalaš ja subárktalaš guovllu dálkkádat ja biologalaš valljivuohta lea rievdame, mii fas hástala árbevirolaš eallinvuogi, buresveadjima, ja biebmosihkarvuođa.
Girji addá čielga ja vuđolaš ollesgova vejolaš čuolmmaid mat gusket boazodoalu ja dálkkádaga liegganeami hárrái, ja mo boazodolliid máhttu berrešii váldot atnui.
Gourmand Awards lea stuorra riikkaidgaskasaš biebmogirjebálkkašupmi ja lea juhkkojuvvon 1995 rájes. Riikkaidgaskasaš Boazodoalloguovddáš (ICR) lea ovdal «Eallu» girjjiin ožžon Gourmand Awards bálkkašumi buoremus biebmogirjji suorggis 2018:s.
