-Almmuhus-
-Almmuhus-
OĐĐASAT Vižže doronis gussiid eret olgobáikkiin

Vižže doronis gussiid eret olgobáikkiin

-

-

Oarje-Finnmárkku politiijas leamaš muhtin mađe bargu mannan ija, earet eará doronis gussiid dihte olgobáikkiin.

Oarje-Finnmárkku Politiijat čállet iežaset twitter neahttasiiddus, ahte leat šaddan mannan ija viežžat ráfehis ja doronis gussiid eret olgobáikkiin, sáddet muhtima ruoktot ja muhtinges šattai juhkanarestii.

 

Njálmmálaš váruhus

Vuosttaš diehtu Oarje-Finnmárkku politiijaide bođii ovtta sulaid ihkku, go muhtin guossi ii šat lean buresboahttin olgobáikái Álttás ja politiijat fidne addimin sutnje njálmmálaš váruhusa ja eai suovvan su šat dihttot guovddážis.

 

Juhkanarestii

Ovdal diibmu golmma bođiiges diehtu ráfehuhttima birra muhtin viesus Álttás, man oktavuođas muhtin nisu biddjui juhkanarestii.

 

Ráfehis guossi

Veahá maŋŋelaš bođii diehtu ahte muhtin guossi ráfehuhtii olgobáikkis Leavnnjas. Guossi guđii olgobáikki go politiijat bohte báikái. Almmái áššáskuhtto almmolašráfi rihkkumis.

 

Doaruhii vávttaid

Seamma áigge doaruhiiges muhtin guossi vávttaid olgobáikkis Álttás. Gohččojuvvui mannat ruoktot politiijas. Son maid áššáskuhtto almmolašráfi rihkkumis.

 

 

 

 

 

 

 

 

 

- Advertisement -
-Almmuhus-