Norgalaččat loktet olgoáimmus, ja vázzinmátkkit meahcis ja váriin leat bivnnuheamos olgoaktivitehtat. Maŋimuš jagi lea juohke gávccát norgalaš vánddardan luonddus.
Norgalaččat loktet olgoáimmus, ja vázzinmátkkit meahcis ja váriin leat bivnnuheamos olgoaktivitehtat. Maŋimuš jagi lea juohke gávccát norgalaš vánddardan luonddus.
Oanehis vázzinmátkkit lagas birrasis, meahcis dahje váris leat bivnnuhis aktivitehtat.
84 proseantta Norgga álbmogis leat vázzán oanehis mátkki lagasbirrasis ja 66 proseantta leamaš unnimusat 25 vázzinmátkkis, čájehit dán jagi eallinlágiguorahallama logut.
Juohke gávccát norgalaš lea leamaš oanehit mátkkis meahcis dahje váris, ja juohke viđát leamaš guhkebuš mátkkis.
23 proseantta fas leat čuoigat guhkebuš tuvrra meahcis dahje váris maŋimuš jagi.
Sohkabeali erohusat
Nissonolbmot liikojit buoremusat vázzit oanehis mátkkiid luonddus, murjet ja guobbariid čoaggit dahje riidet heasttain.
Juohke njealját nisu lea čoaggán murjjiid dahje guobbariid maŋimuš 12 mánu, dievdduid searvvis lea juohke goalmmát dahkan dan seamma.
Dievddut liikojit buoremusat fitnat guhkebuš tuvrrain sihke meahcis ja váriin. Sii liikojit sihke vázzit ja čuoigat, čájeha iskkadeapmi.
Juohke njealját dievdu vástida ahte leamaš guhkebuš tuvrras maŋimuš jagi, nissoniid searvvis ges lea juohke viđát fitnat guhkebuš vázzinmátkkis.
Bivdo- ja guolásteapmi ja fanasmátki maid geasuhit dievdoolbmuid, čállá Statistihkalaš guovddášdoaimmahat.
