RuoktotVIRGEALMMUHUSATVirgenamahus: Ekonomiijakonsuleanta

Virgenamahus: Ekonomiijakonsuleanta

Fitnodat: Internasunála Sámi Filbmainstituhtta AS

Báiki: Guovdageaidnu

ISFI lea sámi ja globála álgoálbmotfilbmaindustriija ovdavázzi, seammás go mii hukset ceavzilis ja njunuš sámi filbmaindustriija mii lea riikkaidgaskasaččat oidnosis ja geasuheaddji. Sámi filbmasuorgi ja ISFI leat dál sakka ovdáneame ja danne mii háliidit nannet min hálddahuslaš joavkku dainna lágiin ahte virgádit ekonomiijakonsuleantta.

Barggut:
Internašunála Sámi Filbmainstituhta ekonomiijakonsuleantan du váldodoaimmat leat, muhto eai dušše: Ekonomiijakonsuleanta bargá fitnodaga ekonomiijadoaimmaiguin, oktan bušeahtain, rehketdoaluin ja prošeaktaraporteremiin. ISFI geavaha rehketdoallovuogádaga Poweroffice ja ekonomiijakonsuleanttas lea lágas ovttasbargu ISFI Seastinbáŋku1 Rehkedoalloviesu rehketdolliin ja direktevrrain. Ekonomiijakonsuleanttas lea maiddái ovddasvástádus čuovvolit ISFI doarjjaárvobáhpiriid ja prošeaktaraporteremiid ovttas hálddahusjođiheddjiin.

Gelbbolašvuohta:
Mii ohcat áŋgiris ja hárjánan kandidáhta geas lea čuovvovaš gelbbolašvuohta:
• Buorre máhttu sámegielas, dárogielas ja eŋgelasgielas sihke njálmmálaččat ja čálalaččat.
• Dus berre leat bachelorgráda ekonomiijas, gávpehálddašeamis dahje eará gullevaš fágasurggiin. Mastergráda dahje relevánta sertifiseren lea ovdamunnin.
• Sávvat bargohárjáneami ekonomiijas, strategiijas ja bargiid jođiheamis.
• Buorit gulahallandáiddut, sihke čálalaččat ja njálmmálaččat.
• Dáidu bargat iehčanassii ja joavkkus.
• Vuđolaččat dovdá relevánta ekonomiija- ja hálddahuslágaid ja láhkaásahusaid.

Maid mii fállat:
• Vejolašvuođa bargat guovddáš virggis ovdánahtti fitnodagas, mas lea dehálaš servodatdoaibma.
• Vejolašvuođa váikkuhit ja hábmet min ekonomiijastrategiija.
• Movttiidahttit sámegielat bargobirrasa mas lea positiivitehta, ovttasbargu, hutkáivuohta ja áŋgirvuohta.
Bálká soahpamuša mielde.

Ohcanáigemearri: Ohcanáigemearri lea njukčamánu 15. b.

Ohcanproseassa: Bivdit berošteaddji kandidáhtaid sáddet CV ja ohcama ISFI:i, direktevrra Anne Lajla Utsi bokte, annelajla@isfi.no mas lea fáddálinnjá «Ekonomiijakonsuleantta ohcan – ISFI».

Mii árvvoštallat dađistaga ohcamušaid ja váldit oktavuođa vejolaš kandidáhtaiguin jearahallama várás.

ISFI lea bargoaddi mii atná máŋggabealatvuođa árvvus ja ávžžuha buot gelbbolaš kandidáhtaid ohcat beroškeahttá sohkabealis, agis, kultuvrralaš duogážis dahje doaibmanávccain. Mii illudit oažžut du ohcama ja sávvat dutnje bures boahtima min jovkui.