-Almmuhus-
-Almmuhus-
OĐĐASAT Virgáduvvon jođiheaddjin

Virgáduvvon jođiheaddjin

-

-

Svein Oddvar Leiros lea virgáduvvon ođđa jođiheaddjin Davvi álbmogiid guovddážii.

Davvi álbmogiid guovddáš lea ožžon ođđa jođiheaddji. Gáivuona ovddeš sátnejođiheaddji Svein Oddvar Leiros dat lea virgáduvvon jođiheaddjin. Son álgá Davvi álbmogiid guovddážii njukčamánu 1. beaivvi. Álgovuorus lea guovtti jahkái virgáduvvon.

Jođiheaddjin sus lea beaivválaš ovddasvástádus doaimmahit guovddáža, son galgá maid čalmmustahttit  guovddáža, mearrasámi kultuvrra ja servodateallima almmolašvuođas, čállá  Davvi álbmogiid guovddáža stivrrajođiheaddji Torjer A. Olsen preassadieđáhusastis. 

— Mun lean hui duhtavaš go leat ožžon Svein min fárrui. Sus lea nanna  hárjáneami ja buorit lihkkostuvvama ulbmilat. Son dovdá guovddáža bures, ja sus lea stuorra fierpmádat. Svein dovdá bures ja sus lea čanasteapmi  mearrasámi- ja báikkálaš servodateallimii. Lean vissis ahte son boahtá leat čeahpes jođiheaddjin, ja son boahtá bargat dan nammii ovddidit guovddáža ja buot áššiid mat leat dehálaččat guovddážii. Svein boahtá maid bargat  báikkálaččat, regionála ja nationála dásis ovddidit mearasámiid áššiid, lohká Torjer A. Olsen

Illuda

Svein Oddvar Leiros illuda álgit bargui, son lea hui gearggus jođihišgoahtit Davvi álbmogiid guovddáža Gáivuona suohkanis. 

— Mun illudan sakka álggahit barggu. Lea erenomáš gelddolaš hástalus beassat leat mielde huksemin ja hábmemin dehálaš ásahusa davvi álbmogii, eamiálbmogii ja mearrasápmelaččaide. Guovddážis lea dehálaš rolla sihke regionála, nationála ja internationála dásis loktet ja čalmmustahttit sámegiela, kultuvrra ja ealáhusa, ja earenoamážit min mearrasámi identitehta. Mii leat golmma čeardda álbmot, min regiovnnas ásset sápmelaččat, kvenat ja dážat. Mii ovttas galgat ovdánahttit regiovnna. Mii boahtit eará sámi guovddážiiguin ovttasbargat ja Halti biras Ráissas lea dehálaš oassin servvodatovdáneapmái. Mun illudan bargagoahtit ovttas čeahpes mielbargiiguin guovddážis, sis lea nana gelbbolašvuohta. Lean hui giitevaš go lean ožžon dán vejolašvuođa, ovttas mii šaddat nannosat, lohká Svein Leiros preassadieđáhusas. 

- Advertisement -
-Almmuhus-