-Almmuhus-
-Almmuhus-
OĐĐASATVirgáduvvon givssidanáittárdeaddjin

Virgáduvvon givssidanáittárdeaddjin

-

-

Finnmárkui lea dál vuosttaš háve virgáduvvon givssideami eastadanáittardeaddji.

43-jahkásaš Janne Sannes lea ožžon dan virggi, ja son galgá bargat ruovttubáikkis Honnesvágis.

Áittardeaddji galgá doarjut ja neavvut mánáid, ohppiid ja váhnemiid áššiin mat gusket psykososiála birrasii, ja galgá maid eastadit givssideami.

Sannesas lea oahpaheaddjeoahppu ja master heivehuvvon oahpus ja rektoroahpus, ja lea bargan oahpaheaddjin, spesialpedagogalaš ráđđeaddin ja oahpahusinspektevran.

– Sáhttá leat váttis skuvllaide čuovvulit váttis ja mohkkás áššiid ja sávan mu bargu lea mielde buorideame mánáid, ohppiid ja hárjehalliid dili, dadjá Sannes preassadieđáhusas.  

Finnmárkku fylkkasuohkan lei ožžon miljonbeali dákkár virgái olles boahtte jahkái, ja goluid badjel dan supmi gokčet ieža.

-Almmuhus-