Dal virgádit sisriika politiijaguovllut 29 liige politiija Ruoŧa ráji dárkkisteapmái.
Dat leat gaskaboddosaš virggit mat leat oassin ráđđehusa gearggusvuođa- ja nannenbarggus eastadit koronadávdda, nu muitaledje sisriika politiijaguovllut preassadieđáhusas duorastat iđida.
– Min dárbbašit liige politiijaveaga vai ii šatta menddo olu bargu min rádjedárkkistanpolitiijaide, dadjá politiijameašttir Johan Brekke.
Dat 29 liige politiija sáhttet beassážiidda álgit ođđa virggis bargat. Dat virggit gullet maid daidda 400 ođđa virggiide maid justiisa- ja gearggusvuođaministtar Monica Mæland (H) dieđihii njukčamánu 28. beaivvi.
Dát liige politiijat galget bargat Øst, Innlandet, Trøndelága, Nordlándda, Romssa ja Finnmárkku politiijaguovlluin gos leat liige rádjebarggut ja dát 400 virggi bistet álggos guhtta mánu, muhto sáhttet guhkiduvvot, čállá NTB.
