-Almmuhus-
KULTUVRA Viimmat sámi girje­kioskkat

Viimmat sámi girje­kioskkat

-

-

Diibmá ásahedje vuosttaš girjekioskkaid gosa sáhttá buktit girjji ja váldit ođđa girjji. Dál bohtet maid sámi girjekioskkat.

Diibmá ásahii !les-searvi, Seastinbáŋkovuođđudus DNB ja Telenor vuosttaš girjekioskkaid miehtá Norgga, čállá Sámi Girječálliid Searvi preassadieđáhusas. Rukses riŋgenkioskkat, mat eai leat šat doaimmas, ožžot ođđa ulbmila girjekioskkain. Dohko sáhttet olbmot buktit girjji man leat lohkan, ja váldit eará girjji.

Dál čállá Sámi Girječálliid Searvi ahte sii leat šaddan dan guovtti vuosttaš sámi girjekioskkaid fáttarin, mat galget leat Troanddimis ja Romssas.

– Lea stuora gudni beassat searvat dán fiinna doaibmabidjui. Lea dehálaš ahte sámi girjjit leat olámuttos sihke mánáide ja rávesolbmuide, čállá Sámi Girječálliid Searvi. Fargga boahtá girjekioskka maid Troandimii, ja Romsii.

- Advertisement -
-Almmuhus-