-Almmuhus-
OĐĐASATViimmat geassedálki davás

Viimmat geassedálki davás

-

-

Davvi-Norga olaha fargga ođđa olahusa, go ii goasse ovdal leat nu unnán báitán beaivváš geassemánus go dál. 

Dálki vahkkoloahpas ii šatta rámponveara, iige temperatuvra ge rievdda. Easka sotnabeaivvi galgá rievdagoahtit dálki Davvi-Norggas.

– De galgá beaivváš báitigoahtit ja temperatuvra rievdat, dieđiha Meteorologalaš instituhta Kristian Gislefoss NTB:i. Son vuordá 20 ceahki sihke Finnmárkui, Romsii ja Nordlándii.

 

Alladeatta lea ceagganeame Davvi-Norggas. Jus dat vuos bisána, de dat sáhttá mearkkašit ahte fiinna dálkkit bistet. Dál ii leat vuos sihkar ahte dat geavvá, muhto aŋkke orru čájehuvvon ahte bohtet fierttut.

 

Meteorologat oaivvildit ahte dál lea áigi ahte dálki jorggiha go geassemánnu lea leamaš nu čoaska mánnu.

– Ii leat dat olahus man olmmoš háliida. Dat čájeha makkár geassemánnu Davvi-Norggas lea leamaš. Mii leat vásihan vel muohttaga ge, biekka ja olu heajos dálkkiid, dadjá Gislefoss.

 

Galbma álgu geasis

Maiddái Gaska-Norggas lea leamaš galbma álgu geasis, muhto doppe galgá maid buorránit.

– Sotnabeaivvi sáhttit vuordit 20 lieggaceahki doppe maid, dadjá son vel loahpas.

-Almmuhus-