Dál leat viimmat báhkat boahtán Davvi-Norgii. Meteorologat lohpidit geassevahkku mii gaskalduvvo dušše ovttain vejolaš arveovttiin.
Dál leat viimmat báhkat boahtán Davvi-Norgii. Meteorologat lohpidit geassevahkku mii gaskalduvvo dušše ovttain vejolaš arveovttiin.
Dál leat viimmat báhkat boahtán Davvi-Norgii. Meteorologat lohpidit geassevahkku mii gaskalduvvo dušše ovttain vejolaš arveovttiin.
– Nuorta-Finnmárkkus sáhttá šaddat badjel 30 lieggaceahki ovdalaš vahkkoloahpa, dadjá Meteorologalaš instituhta stádameteorolga Geir Ottar Fagerlid.
Unnimusat vahkku
Son lasiha ahte báhkat bistet unnimusat vahkku, badjel 20 lieggaceahki galgá doalahit Finnmárkku siseatnamiin.
Ferte gal maid vuordit veahá oavtti, erenoamážit lávvordaga šaddet báikkálaš oavttit, soaitá baján maid boahtit.
Riddoguovllut ja vuotnaguovllut eai galgga oažžut arvvi.
Boahtá gal veahá vuollegisdeatta Romssá ja Finnmárkku mearraguovlluin sotnábeaivvi dahje mánnodaga, muhto muđui galgá leat fiertu.
Geassevahkku
– Dá leat buorit temperatuvrrat Davvi-Norgii. Go ijaid maid doalaha birrasii 10-15 lieggaceahki. De lea boahtte vahkku geassevahkku, dieđiha Fagerlid.
Nordlánddas besset maid návddašit báhka. Soaitá vahkkoloahpas boahtit báikkálaš oakti, muhto muđui galgá leat fiertu ja beaivvádat. Dál lea goike ja báhkka vahkku vuordimis.
– Mun doaivvun ahte olbmot eai biego goit go čájeha mearragáttiin 15-20 lieggaceahki ja soaitá badjel 25 lieggaceahki siseatnamis šaddat, loahpaha Fagerlid.
