Dán vahkku álge ođđa ofelaččat johttigoahtet skuvllaid mielde.
Dán vahkku álge ođđa ofelaččat johttigoahtet skuvllaid mielde.
Sámi ofelaččat Elle Káre Somby, Elle Mari Dunfjell Oskal, Lisa Kaisa Skoglund ja Maien Gaup Sandberg leat dán vahku álggahan diehtojuohkindoaimma masa sii leat ráhkkanan olles čavčča.
Vuosttas skuvla gos sii leat leamašan lea Lillestrøm joatkkaskuvlla.
– Vuosttaš skuvlagalledeapmi lea erenoamáš daningo mii leat hárjehallan ovdanbuktimiid olles čavčča ja dál viimmatge beassan álggahit dan masa leat illudan, johttit ja deaivat nuoraid miehtá Norgga, lohká kárášjohkalaš Lisa Kaisa Skoglund.
Sámi allaskuvla doaimmaha ofelašdoaimma ja Gieldda- ja ođasmahttindepartemeanta ruhtada dan.
Ofelaččat čađahit oahpu Sámi allaskuvllas man namma lea “sámi kultuvrra- ja servodatdiehtu” mii addá 15 oahppočuoggá. Dán maŋŋá sii johtigohtet joatkkaskuvllain, eará skuvllain ja organisašuvnnaiguin miehtá Norgga juohkindihtii dieđuid sámi kultuvrra ja servodaga birra. Doaibma lea earenoamáš daningo dát lea nuoraidgaskasaš gulahallan.
