-Almmuhus-
OĐĐASAT Viiddidit diŋgonmáhcaheami

Viiddidit diŋgonmáhcaheami

-

-

Dáhkádusfitnodat Tryg Forsikring fállá dál mátkkošteddjiid goluid máksit jus dáhttot cealkit eret mátkkiid Kiinnái.  

Dáhkádusfitnodat Tryg Forsikring viiddida diŋgonmáhcaheami kundariidda mat leat diŋgon mátkki Kiinnái dahje Hong Kongii  guovvamánu 22. beaivvi rádjai. Sivvan dasa lea go máŋga kundara vuorjašuvvet ja leat váldán oktavuođa dáhkádusfitnodagain. 

– Badjel čuođi olbmo leat juo váldán minguin oktavuođa, geat leat juo mátkkošteame dahje galget mátkkoštit Kiinnái dahje Hong Kongii. Sii geat geavahit dán fálaldaga ožžot ruovttoluotta máksojuvvon diŋgon- ja orrungoluid, dadjá dáhkádusfitnodat Tryg Forsikring gulahallanráđđeaddi Torbjørn Brandeggen preassadieđáhusas. 

Norgga eiseválddit váruhit olbmuid mátkkošteames Hubei-váldeguvlui ja Zhejiang-váldeguvlui jus ii leat duohta dárbu. Máŋga girdifitnodagat leat maid gaskaboddosaččat bissehan dahje unnidan girdimiid ovdan ruoktot Kiinnái.

- Advertisement -
-Almmuhus-