Politiijat leat viiddidan áššáiduhttima dievddu vuostá Dielddanuoris, Ofuohtas, eret go lea áššáskuhtton 22 máná rohcošemiid ovddas.
Politiijat leat viiddidan áššáiduhttima dievddu vuostá Dielddanuoris, Ofuohtas, eret go lea áššáskuhtton 22 máná rohcošemiid ovddas.
Áššáiduhtton dievdu biddjui fas giddagassii gaskavahkku Ofuohta diggegottis. Politiijat sihte njeallje vahkku giddagasáiggi, muhto ožžo dohkkehuvvot guokte vahkku.
– Dutkamat leat jođus ja leat vel máŋga gažadeami áššis čađahit. Dán rádjái leat politiijat ásahan 22 ášši mas leat seamma ollu gillájeaddji, čállet politiijat preassadieđáhusas duorastaga.
Muhtin gillájeaddjit leat ožžon ráđđeaddi advokáhta dutkama dihte.
Áššáiduhtton dievdu ii mieđit iežas sivalažžan dáin áššiin.
Hui nuorra bártnit
Dievddu válde álggus juovlamánus giddagassii ja ledje 14 gillájeaddji. Dalle dieđihuvvui ahte eanaš bártnážat ledje gaskkal 14 ja 17 jahkásaččat go dáhpáhusat ledje.
– Son lea áššáiduhtton seksualálaš daguid ovddas mánáiguin geat leat vuollel 16 jahkásaččat, ja lea seksualálaš loavkašuhtti dahje eará ládje eahpe-ávddalaččat láhtten mánáid lahkosis, dieđihuvvo preassadieđáhusas.
Politiijat leat bivdán veahki Kriposis dutkamiidda, erenoamážiid gillájeddjiid gažademiide geat orrot eará báikkiin Norggas.
Sullásaš áššit ovdal maid
Áššáiduhtton dievdu lea ovdalaččat dutkojuvvon sullásaš áššiin. 1999 navde su bargan rihkkosášši máná vuostá gii lei vuollel 16 jahkásaš. Ášši heaittihuvvui seamma jagi. Politiijat leat fas geahčadan ođđasit dán ášši daid ođđa dutkamiid oktavuođas.
Politiijat ožžo čiegus cavgileami dievddu birra skábmamánus, ja go guorahalle cavgileami de váldui son gitta juovlamánu 5.beaivvi Dielddanuoris. Beaivvi maŋŋel biddjui son háldogiddagassii njealji vahkkui.
(©NTB)
