Telenor viiddida ain 4G telefon- ja neahttaolládaga Finnmárkkus.
Telenor viiddida ain 4G telefon- ja neahttaolládaga Finnmárkkus.
Telenor olládatdirektevra Bjørn Amundsen muitala Ságat aviisii ahte sii áigot atnit 180 miljovnna ruvnno buoridit neahttaolládaga 4G Finnmárkkus golmma jagis.
– Leimmet áigon dán jagi juo viiddidit 4G olles Finnmárkui, muhto muhtin guovllut gal báhcet boahtte jahkái, ovdamearkka dihte Stuorroaivvi sáddehat Skuvvanvári guovllus Porsáŋggus ii gárván dán jagi, muitala son aviisii.
Gos leat bargame
Reiffváhki oaččui 4G mannan vahkus, Áigir vel váillošii dien bealde, go Bissojohka ja Brenna leat ožžon 4G. Guovtti mánu sisa áigot dievasmahttit Soggovuona ja Hambuktfjellet sáddenrusttegiid.
Iškorassii boahtá viđa mánu siste. Vuottašvárri, mii gokčá Šuoššjávrri, gárvána lagamus jahkebealis.
– Guovdageainnus leat geargan buot njeljiin sáddenstašuvnnain, muitala Amundsen Ságahii.
