Čakčamánus heavvanedje logi olbmo Norggas ja buohkat ledje vuorraset dievddut. Olles jagis dán rádjái leat 74 olbmo heavvanan Norggas.
Čakčamánus heavvanedje logi olbmo Norggas ja buohkat ledje vuorraset dievddut. Olles jagis dán rádjái leat 74 olbmo heavvanan Norggas.
Eanaš lihkohisvuođat, main olbmot heavvanit, lea go olbmot gahččet čáhcái go leat gáttis dahje fatnasis. Oktiibuot leat 74 olbmo heavvanan Norggas dán rádjái dán jagi. Diibmá heavvanedje 89 olbmo Norggas seamma áiggis. Finnmárkkus heavvanii okta olmmoš ođđajagemánus, guokte olbmo cuoŋománus, okta olmmoš geassemánus ja okta borgemánus.
Heavvaneamit unnon
– Lihkus oaidnit ahte leat unnit heavvaneamit áiggi badjel Norggas. Go geahččat ollislaččat loguid, de oaidnit ahte eanaš lihkohisvuođat dáhpáhuvvet seamma ládje go lihkohisvuođat dál čakčamánus. Olbmot gahččet čáhcái go leat gáttis dahje fatnasis, muitala gádjunbálvalusa ja vuosttašveahki Norgga Álbmotveahki ovttadatjođiheaddji Jon Halvorsen.
– Lea dehálaš geavahit govdunveastta, ii ge dušše váruhit ahte mánát leat oadjebasat, dadjá Halvorsen.
Eanemus heavvaneamit ledje Buskerud fylkkas ja Møre ja Romsdal fylkkas gos goappáge fylkkas ledje ovcci heavvaneami.
Cavgil jus leat váilevaš dieđut
Norgga Gádjunveahki statistihkalaš logut ja sivat lihkohisvuođaide, leat Norgga mediaid elektrovnnalaš goziheami vuođul.
– Jus dieđát lihkohisvuođaid birra mat eai leat min loguin, de sáhtát midjiide addit dieđuid. Mii háliidit čájehit nu rievttes loguid go vejolaš, čállá Norgga Gádjunveahkki preassadieđáhusas.
Badjel 41-jahkásaš dievddut leat eanetlogus sis geat heavvanit Norggas.
