Mannan vahkku ožžo politiijat cavgileami ovtta vihtanis veagalváldináššis Leavnnjas gii logai iežat oaidnán seksualálaš aktivitehta gaskaijarockas. Dál leat politiijat iskan ášši ja čájehuvvo ahte vihtan lea oaidnán áibbas eará dáhpáhusa.
Mannan vahkku ožžo politiijat cavgileami ovtta vihtanis veagalváldináššis Leavnnjas gii logai iežat oaidnán seksualálaš aktivitehta gaskaijarockas. Dál leat politiijat iskan ášši ja čájehuvvo ahte vihtan lea oaidnán áibbas eará dáhpáhusa.
Suoidnemánu 9.beaivvi váiddi badjel 20-jahkásaš nieida politiijaide ahte okta dievdu lea su veagalváldán biilabisánanbáikkis olggobealde Gaskaijarocka festiválašillju.
Áibbas eará sajis
Mannan vahkku dieđihii Porsáŋggu gieldda leansmánnii ahte okta nisu lea dieđihan iežat vihtanin áššis go navdá iežat oaidnán seksualálaš aktivitehta duorastat eahkeda. Dál čájehuvvo ahte son gii cavgilii politiijaide ii leat oaidnán seamma dáhpáhusa mii lea váidojuvvon politiijaide.
— Dutkamat čájehit ahte vihtan ii leat oaidnán dan dáhpáhusa maid 20-jahkkasaš nieida lea váidán. Dat dáhpáhus maid son lea oaidnán lea áibbas eará sajis. Ja mii doaivut ahte dat maid vihtan lea oaidnán lea seksualálaš aktivitehta guovtti eaktodáhtolačča gaska, lohká leansmánni Olaussen iFinnmark áviisii.
Loga maid: Veagalváldin áššis vihtan
Ii nagot muitit
Leansmánni Olaussen lohká ahte nubbi váttisvuohta áššedutkamis lea ahte nieida gii lea váidán ášši ii dieđe ieš nu sihkkarit mii lea dáhpáhuvvan.
— Son doaivu ahte muhttin lea veagalváldán su. Muhto leat čalbmeravkaleamit maid son ii nagot muitit, čilge Olaussen.
