-Almmuhus-
-Almmuhus-
OĐĐASAT Vihta olbmo dušše njukča­mánu 

Vihta olbmo dušše njukča­mánu 

-

-

Dássážii leat 14 olbmo duššan johtolagas. Lea logi olbmo uhcit go diibmá seamma áiggi go dalle dušše ledje 24 olbmo duššan. Tromsa ja Finnmárku fylkkas lea eanemus olbmot duššan olmmošlogu ektui jagi 2021:s.

– Ná uhcán go 14 olbmo duššan johtolagas, eai leamaš ođđasat áiggis. Ovddit jagiid ektui, eai leat nu olu almmáiolbmot duššan johtolagas. Mun jáhkán lea vuosttaš geardde go oaidnit ahte seamma olu nissonat go albmát leat duššan johtolagas jagi golbma vuosttaš mánuid, muitala Trygg Trafikk gulahallanneavvu Christoffer Solstad Steen ntb.no preassadieđáhusas.

Eanemus duššan Tromssas ja Finnmárkkus

Vaikko Norgga davimus fylkkas lea unnimus olmmošlohku, de dušše eanemus olbmot johtolagas dán jagi. 

– Tromssa ja Finnmárkku fylkkas ledje guokte jápminlihkohisvuođa. Ledje guokte biilla mat bohte ovdal ja beaškkehedje oktii. Guktui lihkohisvuođain lea olmmoš duššan. Eat mii dieđe mii lei sivva dán guovtti lihkohisvuođaide. Muhto dákkáraš lihkohisvuođain gos guokte biilla bohtet ovdal, de lea dávjá garra leaktu mii váikkuha hirbmadit sidjiide geat leat mielde, lohká Steen. 

Mánát duššan johtolagas

Oktiibuot dušše čieža nissona ja čieža albmá johtolagas dán jagi. Dábálaččat láve 70 ja 80 proseantta duššanlogus lea albmát. Golmmas dan vihtasis geat masse heakka njukčamánus, ledje nissonat. Steen muitala sus ii leat makkárge buorre čilgehus manin albmái lohku lea ná sakka njiedjan. Vaikko 2019:s ii duššan oktage mánná, de dušše guokte máná johtolagas jagi 2020:s ja okta nieida ges njukčamánus 2021:s.

– Lea seamma váivi go olbmot duššet johtolagas, muhto orru leamen hirbmat lossat go mánát duššet. Dađi bahábut čuozai dát muhtin bearrašii Tromssa ja Finnmárkku fylkkas. Min váldoulbmil johtolatsihkkarvuođa barggus lea ásahit dorvvolašvuođa mánáide johtolagas, lohká Trygg Trafikk gulahallanneavvu Christoffer Solstad Steen. 

-Almmuhus-