Beatnatbeaivvit bistet mánu ja daddjo ahte olu sáhttá mannat boastut dán áigodagas. Earret eará sáhttá leat váttis fierrut lávcca.
Beatnatbeaivvit bistet mánu ja daddjo ahte olu sáhttá mannat boastut dán áigodagas. Earret eará sáhttá leat váttis fierrut lávcca.
Dološáiggi Egyptas oidne ahte Beatnatnásti (maiddái gohčoduvvo Sirius) loktanii seammás go Nilen johka dievvagođii ja go báhkkaseamos áigodat jagis álggii.
Dalle doivo ahte lei dan násti sivva ahte johka dievai ja gohčodišgohte ge dan áigodaga beatnatbeaivin.
Beatnatbeaivvit bistet suoidnemánu 23. beaivvis gitta borgemánu 23. beaivái ja dát áigodat lea olu geavahuvvon dálke- ja luondoeinnostemiide.
Beatnatbeivviid einnosteamit:
- Biebmu álki guohppu dahje guohcaga dán áigodagas.
- Lea váttis fierrut lávcca beatnatbeivviid.
- Beatnagat sáhttet šaddat vildasin beatnatbeivviid oktavuođas.
- Čurohat lassánit.
- Vievssis sáhttá šaddat earenoamáš bahán.
- Hávit eai báljo savvo.
- Dakkár dálki go suoidnemánu 23. beaivvi lea bistá mánu.
Leat olu dákkár einnosteamit beatnatbeivviid oktavuođas, sihke dálkki, luonddu, elliid ja divrriid birra Leat maid máidnasat mat muitalit man hejot sáhttá mannat dán áigodagas.
Dáid dieđuid leat viežžan Wikipedias.
