-Almmuhus-
-Almmuhus-
OĐĐASATViessu várohuvvo leat cahkkehuvvon

Viessu várohuvvo leat cahkkehuvvon

-

-

Politiijat leat váldán gitta ovtta olbmo, son várohuvvo leat cahkkehan viesu Gilivuonas.

 

 
 

Politiijat leat evakueren olbmuid buot dáluin dan lahkosis gos stohpu lea buollimin, garra biekka ja čuonavára geažil Gilivuonas Finnmárkkus.

Politiijat ožžo dieđu buollima birra diibmu 6.36 sotnabeaiiđit. Kránnjáid dieđuid mielde ii ása oktage dan viesus. muhto doppe sáhttet liikká leat olbmot fitnan ovdalaččas, dieđihit politiijat Finnmárkkus.

 

Garra biegga

– Viessu lea lahka eará viesuid dán geainnus, danin leat evakueren buohkaid dás lahkosis. Dáppe lea garra biegga ja lea várra ahte čuonat girdet vaikke buollinčáskadeddjiin lea hálddašeapmi buollima badjel, dadjá doaibmajođiheaddji Jan Arne Pettersen Finnmárkku politiijaguovllus NTB:i.

 

Ustibiid ja oahpesolbmuid luhtte

Son dadjá ahte buot viesut ja biillat mat leat dán guovllus leat suojeheame čuonaide mat levvet johtilit garra biekkas. Buot heahteveahkit leat báikkis. Sii geat leat evakuerejuvvon leat gaskaboddosaččat ožžon orrunsaji ustibiid ja oahpesolbmuid luhtte dassážii go dola čáskadit.

 

Viessu cahkkehuvvon

Ovdalaš bealguoktenuppelogis sotnabeaivve dieđihit politiijat Twitteris ahte stohpobuollin lea čáskaduvvon.

– Politiijat guovdilastet dál dutkama, ja várohit ahte viessu lea cahkkehuvvon. Okta lea váldon giddagassii ja dutkamiidda, gean politiijat balahit leat cahkkehin viesu, čállet politiijat. 

 

 

-Almmuhus-