Viessu buollán Deanus, muhto eai várut gal buollima leavvat, dieđihit politiijat.
Politiijat dieđihit Twitteris ahte odne, duorastaga, bođii 06:30 diehtu ahte okta viessu Deanus lei buollime. Heahteásahusat ledje jođánit báikkis ja álggahedje barggu čáskadit viessobuollima.
110-guovddáš dieđihii moadde diimmu maŋŋil Twitter bokte ahte sihke Deanu ja Unjárgga buollinveahka ledje čáskadeame buollima. Politiijat dieđihedje ahte orru nu ahte viessu buollá gutnan, muhto eai váruhan gal buollima leavvat eará viesuide.
110-guovddáš dieđihii sullii 11:00 ahte Deanu buollindoaimmahus ledje sihkkarasten buollima. Sii dieđihedje maid ahte dolla ii leava, ja ahte Unjárgga buollinveahka lei máhccan ruovttoluotta Unjárgii. Loahpadiehtu lea ahte goaivunmašiidna lei sajis veahkeheame buollinčáskadeami.
