Ovtta nissona šadde doalvut buohccivissui maŋŋel viessobuollima Mátta-Várjjagis manna ija. Viesus eai galgga leamaš eanet olbmot.
Ovtta nissona šadde doalvut buohccivissui maŋŋel viessobuollima Mátta-Várjjagis manna ija. Viesus eai galgga leamaš eanet olbmot.
– Dan maid mii diehtit lea ahte viesus lei dušše okta olmmoš, badjel 30-jahkásaš nisu, muitala Nuorta-Finnmárkku politiijaguovllu operašuvdnajođiheaddji Thomas Pettersen NTBii diibmu 4.40 sotnabeaičuovganeapmái. Son muitala ahte nissonolbmo dolvo buohccivissui, muhto son ii dieđe man bahut nisu lea roasmmohuvvan.
Buohcciviessu dieđiha Twittera bokte ahte nisu ii leat beare bahut roasmmohuvvan, ja ii leat heaggavárra.
Buot heahteveahkit vulge báikái go buollindiehtu bođii Rødsand báikkis, Báhčaveaji lahkosis, golbma miilla eret Girkonjárggas.
– Buollinčáskadeaddjit muitaledje viesu oalát buollán, muhto sii dahke dan maid sáhtte jáddadit buollima, muitala Pettersen. (©NTB)
