Viessu bulii gutnan Leavnnjas

LEAVDNJA: Logi áigge gaskavahku eahkeda buollái orrunviessu Leavnnjas. Dát viessu lei ássanguovllus gos viesut ledje hui lahkalaga, ja politiijat šadde ránnjáviesuin gohččut olbmuid olggos. Buolli viesu gal dikte juo buollit visot, go eai nagodan šat jáddadit eai ge gádjut das maidege. Buollinčáskadeaddjit nagodedje doalahit dolaid eret eará viesuin. Olbmot besse dearvan olggos, ja guovttes dolvojuvvuiga doaktára lusa. Beana gal duššai dolaide, dieđihit politiijat Twittera bokte.