Miilla Girkonjárggas eret, Elvenesas, buollái viessu mannan ija ja buollinčáskadeaddjit leat bargan jáddadit buollima, muhto šadde diktit viesu jo buollit áibbas gutnan. Okta olmmoš lei viesus, ja beasai dearvan olggos.
Miilla Girkonjárggas eret, Elvenesas, buollái viessu mannan ija ja buollinčáskadeaddjit leat bargan jáddadit buollima, muhto šadde diktit viesu jo buollit áibbas gutnan. Okta olmmoš lei viesus, ja beasai dearvan olggos.
– Mii oaččuimet dieđu buollima birra, ahte lei ollu suovva, diibmu 02.20 lávvordaga. Lei okta olmmoš gii lei viesus ja lei son gii dieđihii buollima birra. Buot heahteveahkit vulge báikái. Dáđi bahábut buoláskii viessu jo oalát, ii ge lean šat gádjumis, muitala Finnmárkku politiijaguovllu operašuvdnajođiheaddji Ann Rigmor Søderholm NTBi.
– Leat golmmas geat orro viesus, muhto dušše okta sis lei ruovttus go viessu buollái. Ii okta ge galgga leat roasmmohuvvan, muhto jáhkket ahte okta bussá soittii leat dan viesus. Ii leat vel sihkar lei go doppe, dadjá Søderholm.
Politiijat eai dieđe vel manne viessu buollái.
(©NTB)
