-Almmuhus-
-Almmuhus-
-Almmuhus-
OĐĐASATViessohattit lassánan hirbmadit ja vurdojit ain lassánit

Viessohattit lassánan hirbmadit ja vurdojit ain lassánit

-

-

– Haddelassáneapmi lea eahpelunddolaš miehtá riikka. Ii leat báljo gostege gos hattit leat njiedjan, mii ii leat dábálaš go viessohattit lávejit njiedjat juovlamánus, muitala Eiendom Norge direktevra Christian Vammervold Dreyer.

Dál jáhkket viessohattiid lassánit vel eanet dán jagi mielde.
– Mii vuordit ahte dát ovdáneapmi joatká dán jagi vuosttaš mánuid, dadjá Dreyer.

 

Buoret viessojohtu
Oaivegávpogis sáhttá šaddat garra dilli viessomárkanis, oaivvilda Privatmegleren direktevra Grethe W. Meier.
– Jahki 2017 šaddá árjjalažžan. Ođđajagemánu rájes sáhttá dovdot čoavjái jus galgá orrunsaji oastit Oslos, ja dat bistá olles jagi, dadjá son.

Juovlamánus vuvde 2645 ásodaga Norggas, mii lea unnit go jagi 2015 seamma mánu. Dalle vuvde 11,2 proseantta eanet ásodagaid. Dan seammás ledje 12,5 proseantta unnit ásodaga vuovdit juovlamánus go jagi ovdal.
– Go márkanis eai leat nu ollu viesut vuovdimassii, de šaddá váddáseabbon gávdnat ásodaga, mii fas dahká ahte hattit lassánit, čilge Dreyer.

Birrasii 51 beaivvi ádjánii vuovdit viesu juovlamánus. Oslos ádjánii birrasii 15 beaivvi jođihit ásodaga.  (©NTB)

 

-Almmuhus-