Finnmárkku politiijaguovllu operašuvdnajođiheaddji Gunnar Øvergård muitala politiija oaččui dieđu viessobuollima tiibmu 21.08. Tiibmu 21.54 lei buollin jáddaduvvon.
Viessobuollin Kárášjoga márkanbáikkis lea dál jáddaduvvon. Viessu lei buollimin siste. Golbma olbmo ja guokte beatnaga leat eváhkus dál. Politiija lea maid eváhkkui viežžan golbma olbmo kránnjádaluin viessobuollima oktavuođas.
Politiija ii dieđe siva buollimii dál. Ášši dutkojuvvo, čállet Finnmárkku politiijat Twitteris,
– Viessubuollin lea jáddaduvvo. Son guhte dieđihii buollima, čuojahii heahtevehkiide dalán go buollin fuomášuvvui tiibmu 21.08, muitala Finnmárkku operašuvdnaguovllu jođiheaddji, Gunnar Øvergård.
Jáddadedje buollima jođánit
Porsáŋggu politiijastašuvnna politiijabálvá Cato Arntsen muitala politiija bođii minuhta maŋŋá ambulánssa ja sin maŋis bohte buollinčáskadeaddjit.
– Dál lea buohkat geat ásse dálus beassan olggos, oktan beatnagiiguin. Ambulánsa báikkis áimmahuššá sin. Min dieđuid mielde ii galgga oktage vaháguvvon mange láhkai. Oainnán lea olu suovva vuosttaš gearddis, muhto mun in leat fitnan siste. Buollinčáskadeaddjit lea jáddadan buollima ja lea biggoheamen viesu. Oidnojit sahástan olgoseainnis stuorra ráiggi vai ožžot suova jođánit olggos, oaidnit dihtii ahte buot lea jáddaduvvon, muitala politiijabálvá Cato Arntsen.
Politiijabálvá Cato Arntsen lohká ahte ii leat buorre diehtit manin dat buollái, muhto sii ášši dutkojuvvui. Eaige sii leat jearahan ássiid vuos.
