-Almmuhus-
-Almmuhus-
GUOIMMUHEAPMI Viehkat ii galgga vuordit ahte earát dahket juste dan maid don háliidat

Viehkat ii galgga vuordit ahte earát dahket juste dan maid don háliidat

-

-

FIERCA

21/3-19/4

Dál lea áigi addit fámu dasa mii lea nu lahka. Bearaš, ásodat ja dovddut gáibidit olu fuomášumi.

Jus lea dárbu ražastit, de galggat dahkat dan. Vállje hástalusaid ja mihtuid mat leat dehálaččat dutnje, ale ge divtte earáid váikkuhit du.

Gávnna vuogas balánssa. Ale geavat badjelmeare olu návccaid, muhto liikká it galgga earáid diktit iežat duolbmat.

Dán vahkku it galgga váldit gulul, muhto baicca doibmet iđđedis gitta eahkedii.

VUOKSÁ

20/4-21/5

Lea ain nu ahte don fertet bidjat áiggi guldalit iežat dovdduid ja maiddái sávaldagaid earáide.

Ii leat doarvái dušše doibmet bargguid ja ohcalit oadjebasvuođa.

Don vuoittát jus nagodat čájehit gii don duođas leat, ja mo dus duođai lea. Ráhkisvuohta guhtet guoibmáset lea dehálaš.

Čájet gean don ráhkistat, ja fátmmas ráhkisvuođa vejolašvuođaid.

JUMEŽAT

21/5-21/6

Dál leat du sávaldagat olámuttos. Don fertet ieš organiseret doaimmaid.

Jus áiggut ollašuhttit sávaldagaid, de lea dehálaš ahte válddát oktavuođa rievttes olbmuiguin.

Ráhkkananoasis lea olu dadjamuš mo vahkku ain ovdána. Olbmot geaiguin don deaivvadat sáhttet ovddidit ja addit ođđa inspirašuvnna du bargui. Guldal earáid, go sis sáhtát oažžut jierpmálaš ideaid.

REABBÁ

22/6-22/7

Gii leat don? Jus dus lea dasa vástádus, de galggat earáide čájehit dan doaimmaid bokte.

Jus ealát juo iežat nieguid bokte ja čájehat earáide gii don duođai leat, de galggat fátmmastit buot vejolašvuođaid maid oaččut.

Ale váldde iežat ja iežat dovdduid nu duođalaččat.

Dovddut čájehit mo don vásihat dan mii geavvá. Jus leat hástalussan, de fertet muitit ahte dat boahtá rievdat áiggi mielde, nu mo álo leat dahkan.

LEDJON

23/7-22/8

Jus áiggut rievdadusaid, de fertet dahkat juoidá.

Ale vikka rievdadit olbmuid dahje sin oaiviliid, muhto gávnnat vuogas čovdosa dasa.

Go eallin doaibmá ja barggut leat álggahuvvon, de soitet liikká gáibidit eambbo návccaid.

Jus áiggut ovdánit, de lea dehálaš ahte dus lea dáhttu, fápmu ja áigumuš. Buot vejolašvuođat leat das. Geavat daid!

BUHTISNIEIDA

23/8-22/9

Ii leat ávki dušše jurddašit, don fertet juohkit jurdagiid.

Ii leat doarvái ahte dus lea oaivil, go don fertet earáid maid oažžut áddet dan, ja deattuhit sidjiide manne dus lea juste diekkár oaivil.

Ii veahket ahte don áddet juoga, jus earát eai daga dan. Lea dehálaš ahte don čielgasit muitalat earáide iežat oaiviliid ja fuomášumiid.

VIEHKAT

23/9-22/10

Dovdda ahte dus lea oadjebas dilli. Dál lea áigi luohttit alccat.

Ale vuordde ahte earát dahket juste dan maid don háliidat, dušše dan dihte go moddját ja leat buoremielalaš.

Jus áššit galget mannat du miela mielde, de lea dus bággu čájehit áigumuša.

Dál ii soaitte nu dehálaš doalahit soabalašvuođa, muhto baicca nággestit vai áigumušat ollašuvvet. Don leat gievra dál, nu ahte geavat dan fámu.

SKORPIUVDNA

23/10-21/11

Váldde gulul, vuoiŋŋas ja návddaš dilálašvuođa. It dárbbat rahčat.

Jus gáskkestat bániid oktii ja geahččalat čájehit man gievra don leat, de dat liikká ii doaimma.

Jus baicca luoittát olggiid ja láhttet olmmošlaččat, de vásihat ahte oaččut jáhkehahtti fámu.

Mađi unnit don ražat, dađi eambbo oaččut. Váldde liibba, ja guorral dan čuvges ja álkes geainnu. Geahča mii geavvá.

BÁHČČI

22/11-21/12

Jus áiggut ovdánit, de fertet rahčat olahit rivttiid.

Ii soaitte dattetge nu dehálaš? Don sáhtát válljet bissut ovtta sajis ja váldit gulul.

Vállje iežat rahčamušaid ja leage várrogas geasa dajat maid.

Soitet čuožžilit riiddut maid it lean sávvan, ja mat eai gula dutnje.

Jus áibbas sihkkarit dieđát maid áiggut, de sáhtát roahkka bidjat áiggi, fámu ja energiija dasa.

BÁKTEBOHKKÁ

22/12-19/1

Dál lea áigi rievdadusaide. Buot buoremus lea vuos rievdadit iežat.

Dan it sáhte olahit jus geahččalat garvit áššiid dahje earáhuhttit iežat. Báktebohkká ferte iežas rievdadit, seammás go ohcá hastalusaid.

Gávnna ođđa vugiid. Ale bala geavaheames fámu, muhto seammás it galgga ballat addimis earáide sin áigumušaid.

Mađi eambbo peršovnnalašvuođat, dađi álkibun šaddá.

ČÁHCEOLMMÁI

Álgovahkku lea positiivvalaš čáhceolbmáide.

Jus it dovdda dan, de leat beare olu áiggi bidjan earáide ovdalii go alccat.

Dan dihte lea buoremus geavahit reasta vahkku čájehit beroštumi dan erenoamáš peršovnnalašvuhtii mii dus lea.

Atte saji alccat, vai beasat leat ieš. It galgga beroštit maid earát oaivvildit dan birra.

Deháleamos lea juste dat maid don jurddašat iežat birra.

GUOLIT

19/2-20/3

Dat mii geavvá du birrasis, speadjalastá dan mii geavvá du siste.

Don leat oassin ovtta garra olmmošrávnnjis.

Dat mii geavvá earáiguin, dat guoská maid dutnje.

Jus čiekŋalasas čuožžilit áššit, de galggat daid geavahit buorrin alccat. Jus oainnát gopmiid beaivečuovggas, de deaivvadat daiguin.

Jus oainnát olbmáid ja skeaŋkkaid, de deaivvadat daiguin maid. Don dat mearridat.

Horoskopa ráhkadan: Atle Skretting, astrologa, NTB

- Advertisement -
-Almmuhus-