-Almmuhus-
OĐĐASATViega dollejit Pariisii

Viega dollejit Pariisii

-

-

Odne mánnodaga vulget aktivisttat viega Gironis Ruoŧas Pariisii Frankriikii. Áigumuš lea čalmmustahttit dálkkádatrievdama.

Aktivista ja servodatberošteaddji Jenni Laiti lea okta dain gii álggaha stafeahttaviehkama mii vuolgá odne Gironis.  Skábmamánu 29. beaivvi galgá stafeahttaviehkan ollet Pariisii, Frankriikii.

 

– Mis, geain lea ain nana oktavuohta eatnamii, mii leat hearkkimusat rievdamiidda. Jos dálkkádat rievdá radikálat, min eallinvuohki maid de rievdá. Mii galgat ságastallat dán birra ja geahpedit golaheami. Mun lean ieš ge geahpedan eallindási logiin proseanttain ja geahpedan erenoamážit mátkkošteami, muitala Jenni Laiti Yle Sápmái.

Jenni Laiti dolle odne Parisii viega. Preassagovva: Carl-Johan Utsi

Stafeahttaviehkki ii loga háliidit coggat dábálaš viehkanskuovaid, muhto baicce árbevirolaš sámebiktasiid.

– Biktasiiguin sáhttá olu muitalit. Mun áiggun coggat gálssohiid, dálvegárvvuid, go hálidan čájehit, ahte mii sámit leat dálveálbmot ja ahte muohta lea hirbmat dehalaš midjiide, lundui, bohccuide ja kultuvrii. Muđui gal dieđusge áiggun coggat guokte gávtti badjálaga ja miesenáhkegahpira. Juolgái goikkehiid dahje bievssuid, muitala Laiti.

 

 

-Almmuhus-