-Almmuhus-
SMÁVVAOĐĐASATVideo lea 100 000 geardde geavahuvvon heahte­telefuvnnas 

Video lea 100 000 geardde geavahuvvon heahte­telefuvnnas 

Journalista

-

-

Eanaš heahte- ja doavttirfáktaguovddážat miehtá riikka leat geavahišgoahtán videorávdnjema heahtetelefovnnaid oktavuođas. Videorávdnjenčovdosa maid Norsk Luftambulanse vuođđudus  ja Dearvvašvuođadirektoráhta leat ráhkadan, lea geavahuvvon badjel 100 000 geardde.

Jus riŋget heahtenummarii 113 dahje doavttirfáktii 116 117, de sáhttet sii oaidnit du telefovdnakámera bokte, jus suovat.

– Eahpečielga dilálašvuođain lea video veahkehan doaimmaheddjiid áddet buorebut manin olmmoš lea čuojahan heahtenummarii. Máŋgii lea njulgestaga gádjon heakka, lohká Dearvvašvuođadirektoráhta fáhkkamedisiinnalaš ja gearggusvuođa ossodatdirektevra Steinar Olsen.

Videorávdnjen lea veahkehan fáhkkamedisiinnalaš gulahallanguovddáža AMK ja doavtterfáktaguovddážiid árvvoštallat ovdamearkka dihte háviid. Šaddá maid álkit rávvet mo galgá gádjut heakka. Video bokte lea maid álkit čilget dili ja soaitá maid leat nu ahte buohcci ii dárbbaš heahteveahkki. Jagi 2020 rájes go fálaldat álggahuvvui, de leat 16 AMK-guovddáža ja 94 doavtterfávttaguovddáža váldán videorávdnjema atnui. 

Ná doaibmá 113 video: AMK- ja doavtterfávttaguovddáš sáhttá árvvoštallat bidjat videorávdnjema ovtta guvlui du telefovnna bokte. Jus dohkkehat ahte guovddáš beassá du kámera geavahit, de oaččut SMS telefovdnii maid dohkkehat. Dalle oaidná guovddáš mii dáhpáhuvvá du luhtte guktui beale du telefovnna. Lea maid vejolaš oažžut veahki doaktáris dán láhkai. Buohcci persovdnadieđut eai mana viivvuheamet. Dán teknihkalaš čovdosa namma lea «Hjelp 113 Video».  Čuojat nuvttá doavtterfáktii 116 117 go fástadoavttir ii leat olámuttos ja 113 go lea heakkaheahti. Eambbo dieđut dan birra

-Almmuhus-