Geaidnopolitiijat leat doallan leahttodárkkistemiid ja máŋgga báikkis leat biilavuoddjit girddihan beare leahtuin.
Gaskavahkku beaivet dolle láserleahttomihtideami Mázes, Guovdageainnu suohkanis. Golmmas sáhkkohalle go vudje beare leahtuin geainnus gos leahttomearri lea 90 km/d. Alimus leahttu lei biilavuoddjis gii vujii 107 km/d.
Gaskavahku eahket ožžo ges poltiijat dieđu biilavuoddji birra gean vuodjin ii orron dohkálaš Lákkovuonbađas, Álttá suohkanis. Politiijat gávdne vuoddji ja mihtidedje ahte vujii 98 km/d guovllus gos leahttomearri lea 80 km/d. Son massii vuodjinkoartta go ledje ovdalaččas juo olu čuoggát.
Seamma eahkeda válddahalai Mátta-Várjjagis biilavuoddji vuodjime beare leahtuin. Son vujii 86 km/d geainnus gos leahttomearri lea 70 km/d. Vuoddji sáhkkohalai. Daid dáhpáhusaid birra dieđihit Finnmárkku politiijat Twitteris.
