-Almmuhus-
SMÁVVAOĐĐASATViđas sádde­juvvon buohcce­vissui

Viđas sádde­juvvon buohcce­vissui

-

-

Hápmiris vujii biila, mas ledje čieža mátkkálačča, badjel luotta. 

Nordlándda politiijaguovlu dieđiha gaskavahku, geassemánu 15. beaivvi, ahte Hápmira suohkanis lea stuorebuš biila vuodján badjel luotta. 

– Lihkohisvuohta lea dáhpáhuvvan moadde čuođi mehtera davábealde Ájluovtta geaidnoearu. Biillas ledje čieža olbmo ja máŋggas dáin leat sáddejuvvon buohccevissui. Politiijat leat gažadan biilavuoddji. Mii eat balat su vuodján gárrenoaivvis, čállet politiijat Twitteris. 

Nordlándda buohcceviessu dieđiha NRK Nordlándii ahte guovttis sáddejuvvuiga ambulánsahelikopteriin sin lusa. Golmmas leat vel jođus ambulánsa fárus Bådåddjoi. Ii leat vel dihtosis man garrasit mátkkálaččat leat roasmmehuvvan. 

-Almmuhus-