Dat lea 13 unnit go seamma mánu diibma.
– Vihta duššama lea vihta beare olu. Oallugat leat fáhkka massán muhtima bearrašis, bargoustiba dahje olbmá vássán mánus, dadjá Stáhta geaidnodoaimmahat johtolatsihkarvuođa direktevra Guro Ranes preassadieđáhusas.
Dassážii leat dan jagi 75 olbmo duššan johtolagas. Dat lea 16 unnit go seamma áigge diibma ja 14 unnit go ovcci vuosttaš mánus 2022:s.
– Mii bargat Geaidnodoaimmahagas beaivválaččat dan nammi ahte ii oktage galggašii duššat dahje garrasit roasmmehuvvat johtolagas. Nullavišuvdna lea bissovaš. Mii lea ceahkkemihtu ahte eai galggašii eanet go 350 olbmo duššat ja garrasit roasmmehuvvat, eaige eanet go 50 olbmo duššat johtolagas jagi 2030 rádjái, dadjá Ranes.
