-Almmuhus-
OĐĐASATViđa olbmos duođa­štuvvon covid-19

Viđa olbmos duođa­štuvvon covid-19

-

-

PCR-iskosat galget sáddejuvvot liigeanalysii.

Porsáŋggu gielddas duođaštuvvui disdaga viđa olbmos koronadávda. Buot viđas ledje ruovttuiskosis ovdagihtii ožžon positiiva iskkusbohtosa.

– Buot viđas leat juo isolašuvnnas ja mii leat geargan njoammunguorahallamiin, čállá Porsáŋggu gieldda sátnejođiheaddji Aina Borch preassadieđáhusas.

Iskosat mat leat dán viđa olbmos váldon iskkusguovddážis galget sáddejuvvot liigeanalysii, iskan dihte guhte covid-19 variánta lea njommon.

Porsáŋggu gielddas lea dál gávcci olbmos duođaštuvvon koronadávda PCR-iskosa bokte.

Oktanuppelohkái olbmo leat isolašuvnnas ja golbma olbmo leat šaddan buhcciidruktui dahje buohccivissui koronadávdda geažil.

-Almmuhus-